Влатко Иљачев од Богданци кандидат за победник на ,,Ново име’’, ако победи сака да сними албум, еве како да се гласа !

1734

27 годишниот Влатко Иљачев од Богданци претендира да биде победник на интернет платформата ,,Ново име’’ на групацијата ,,Новоматик’’ и паричната награда да ја искористи за снимање на својот деби албум за кои има напишано и песни. Станува збор талентирано момче кое од својата 16 година се занимава со музика и пеење а публиката го памети по музичкото шоу Идол a паралелно свири клавир и компонира.

,, За платформата ,,Ново име’’ се пријавив случајно, бидејки нема што да изгубам а видов на ФБ. Ако успеам да победам бидејки се гласа преку интернет, средства ќе ги искористам за снимање на својот прв албум и да направам турнеја низ градовите во земјава доколку на публиката им се допаднат моите песни. Имам напишано точно 52 песни а уште 40 тина се недовршени. Сакам да пеам и публиката да ужива во моите песни,, изјави за Дрнка.Мк Влатко Илачев

Станува збор за платформата Ново име на групацијата Новоматик која секој месец доделува парична награда од 2500 евра на млади таленти чии соништа не се реализирани. Сите може да гласаат доколку на Ново име се логираат преку ФБ или со лозинка. Во листата на кандидати се наоѓа Илачев и со кликнување на срцето кај гласовите, давате поддршка на ова момче да го реализира својот прв албум.

Иљачев се смета за искрена, директна и борбена личност кој не остава животот сам да тече  и вели ,,Јас го живеам животот не тој мене’’. Настапува во Скопје во сите рок барови но и во поголемите градови во земјава а најголема желба му е јавноста да ги слушне неговите песни и кога им е добро и кога им е лошо, и кога во животот им оди и кога работата тргнува наопаку.

,,Богданци е убаво гратче. Ако ништо друго барем воздухот е чист и се знам со сите. Таму сум кога немам многу обврски, но тврдам дека ние богданчани сме најтоплиот и најгостопримлив народ во државата,, вели Иљачев кој има завршено музичка академија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.