Преку проектот за подобрување на општинските услуги од Програмата за развој на руралната инфраструктура, општините Василево, Босилово и Ново Село добија универзален ровокопач со кој ќе можат да ги одржуваат патиштата во зимски услови, да чистат одводни канали но и да се вршат ископ на ровови за атмосферска и вододоводна канализација. Станува збор за проект на министерството за финансии кој го финансира ЕУ и има обезбедено 15, 5 милиони евра за подобрување на руралната инфраструктура
,, Станува збор за машина која ќе биде од голема корист за работата на нашите комунални претпријатија. Ние сме апликанти на овој проект во соработка со Босилово и Ново село и според апликацијата за ова машина одржувањето ќе биде заедничко а секоја општина ќе го користи по еден месец наизменично по ред, што значи секој трети месец ќе биде во нашата општина или четири месеци во една тековна година. Како локални самоуправи сме одговорни секоја посебно да си планира средства во Буџетите за набавка на гориво а при случај на дефект заеднички ќе го одржуваме,, ни истакна градоначалникот на Василево Марјан Јанев
(Градоначалникот на Василево Јанев со ВД градоначалникот на Ново село Цветков и градоначалникот на Дојран Ангов)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
