Василево, Валандово, Радовиш преку ЕБОР ќе обезбедат енергетско ефикасно улично осветлување !

2951

Василево, Валандово, Радовиш се дел од пилот општините кои преку проект финансиран од Европската унија ќе обезбедат енергетско ефикасно улично осветлување или  мали дистрибутивни системи за греење . Проектот ќе се реализира преку јавно-приватно партнерство со ЕСКО компании (фирми кои со својата дејност одговараат на проектот и сакаат да се вклучат ) a Европската банка за обнова и развој  ќе ги подготвува потребните документи и договори.

,,Од заштедата на енергија, директен бенефит ќе имаат општините. Финансирањето, изведбата и гаранциите ги сносат ЕСКО компаниите, а јавниот сектор односно општините го плаќаат ануитетот према ЕСКО компаниите, исклучиво преку заштедата на енергија во месечни ануитети. Тоа значи дека по завршувањето на договорот меѓу ЕСКО компанијата и општината, во целост заштедата на енергија и опремата остануваат на јавниот партнер. За таа цел Европската банка презема со себе да го помогне целиот овој процес и ги подготвува т.н. „Energy performance“ договори, односно фирмите што ќе даваат услуги во јавниот сектор”, истакна Здравко Стефановски, координатор на проектот на ЕБОР на денешниот прес во Стопанската комора

Освен овие три општини од југоистокот во проектот се вклучени и општините Маврово Ростуше, Македонска Каменица и Пробиштип. Најдоцна до 15 јуни ќе биде објавена тендерската документација  а во меѓувреме овие општини треба да ја подготват  целокупната техничка документација и спецификација што ќе биде основ ЕСКО компаниите да можат да излезат со свои понуди према јавниот сектор.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.