Паркот во центарот на Дабиле Општина Струмица го добива својот финален изглед. Викендов жителите од оваа населено место членови на здружението “Мое Дабиле“ преку работни акции ги правеа последните финеси на оваа катче кое претходно беше запуштено со трева и отпад. Како што информираше ДРНКА МК, акцијата за разубавување на оваа селско катче почна од пролетта.
Согласно предвидената динамика, викеднов 20 тина членови на здружението и селото беа дел од акцијата за ставање бекатон плочки околу паркот но и околу засадувањето на дрвцата што треба да го красат овој парк во иднина во чија изградба учествуваат самите жители.
„Се засадија 21 декоративно дрвце (11 Елвуди и 10 Евонимуси), како и 2 црвени сливи, 2 божиќни дрвца и новиот симбол на паркот, магнолијата во висина од 2,2 метри која се засади на влезот во паркот. Два прекрасни дена, исполнети со многу работа, труд, организација но и желба да направиме нешто убаво за нашето Дабиле“, не информираше Горан Крумов еден од претседателите на здружението „Мое Дабиле“
Паралелно викендов се поставија и темелите за монтажа на клупите за одмор и кантите за отпад. Преостанува да се засее тревата на паркот кој има површина од околу 550 квадратни метри.
Освен садењето дрвца, граѓаните учествуваа и во поставувањето на бекатон плочки околу паркот. Инаку при крајот на изминатиот месец, паркот во Дабиле доби и осветлување кога беа поставени канделабри и оваа катче блесна во ноќните часови. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
