Богданци го продолжува форумот за да граѓаните одлучат на што да се потроши грантот од 50 000 швајцарски франци

345

Општина Богданци во соработка со УНДП идната недела, на 6 август го продолжува форумот на заедницата на кој граѓаните од ова општина, треба да одлучат за што ќе се потрошат 50 илјади швајцарски франци. Форумот на заедница се прекина во март годинава заради епидемијата со ковид-19, по само една сесија и работилница на која се развиваа предложените концепт проекти.

Во насока да се заокружи целиот процес, за 6 август е закажана втората сесија, која ќе се одржува според усвоениот протокол од страна на имплементарот УНДП. Тоа значи дека се предвидени обемни и строги мерки на заштита на секој учесник на форумот кој ќе биде во холот на ООУ „Петар Мусев“ во Богданци кој темелно ќе се дезинфицира а граѓаните можат да учествуват со маски и задолжителна дезинфекција.

На ова втора фоурмска сесија се очекува да бидат презентирани седумте концепт проекти од областа на социјална инклузија кои произлегоа токму од граѓаните на општина Богданци за кои ќе се изработуваат проекти со цел да се утврди дали е можна нивна реализација од административен аспект

Жителите на општина Богданци ги предложија овие концепти:

1.Опремување и уредување на кабинети по природни науки во основите и средното училиште;

2.Уредување на спортско катче и простор за рекреација на младите;

3.Опремување на медиатеки во сите училишта и во градинката;

4.Поставување на летна сцена до Домот ка културата во Богданци;

5.Опремување на кино сала и уредување на дворот во Домот на култура во Стојаково;

  1. Поставување на хоризонтална и вертикална сигнализација;

7.Уредување и опремување на административните простории на месните и урбаните заедници.

По разгледување на концептите и изготвување на проекти, жителите на општина Богданци по пат на гласање, сами ќе одлучат за кој проект од овие концепти треба да се потрошат 50 те илјади швајцарски франци обезбедени од Швајцарската агенција за развој и соработка (SDC). За таа цел од општина Богданци апелираа до граѓаните да бидат дел од ова сесија која ќе се одржува по сите безбедносни протоколи

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.