Агенцијата за млади и спорт ќе прави ревизија на изградените спортски терени во поглед на функционалноста, со кои во моментов стопанисуваат општините. Контролите ќе се прават бидејки дел од терените воопшто не се користат а дел пак се запуштени и обраснати со треви иако изградени пред неполна деценија. Директорот на Агенцијата Наумчо Мојсовски во гостување на Канал ВИС призна дека досега немат направено обиколка во каква функција се терените но најави дека од општините ќе се бара поголема одговорност, пренамена на терените ако не се користат и да се најде модел на одржување.
,,Наша грешка е што не беше активна слкужбата за инспекција при Агенцијата. Веќе е направен план како инспекторите да ги посетат сите тие запоставени игралишта или нефункционални. Во соработака со општините ќе се види кој е фокусот на истата, оти има терени кои се на пример тениски и никој не ги користи па да се пренамени или пак фудбалски кои се обраснати со треви. Значи ке правиме контрола и ќе најдме модел како да се стават во функција,, рече Мојсовски во емисија на Канал ВИС
Според Мојсовски само 10 тина проценти од повеќенаменските игралишта во земјава градени во руралните средини се функционални. Останатите претежно се во очајна состојба. Тој кажа дека како Агенција ќе продолжат да ја подобруваат спортската инфраструктура. За годинава најави изградба на баскет терени и базени но и подготовка за техничка документација за реконстуркција на спротски објекти.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
