Академија Пандев има „златни деца“, генерациите 2010 и 2011 станаа Шампиони на Македонија (фото/видео)

2577

Струмичкиот прволигаш „Академија Пандев“ има златни деца. Генерациите 2010 и 2011 станаа Шампиони на Македонија во своите конкуренции. На завршниот турнир во Скопје каде се сретнаа најдобрите екипи од детските лиги од сите реони во земјава, тие се искачија највисоко на тронот. Генерацијата 2011 во големото финале славеше против Пелистер со 3:2 додека генерацијата 2010 беше поуспешна  од Форца од Скопје по изведувањето пенали откако регуларниот дел заврши без голови.

Васко Христов од генерацијата 2011 и Димитар Петров од генерацијата 2010 се прогласени за најдобри голмани на завршниот турнир додека Драган Павлов е прогласен за најдобар стрелец за фудбалерчиња генерација 2011.

Двете генерации ги предводи тренерот Васко Тодоров. Двете шампионски титули но и пласманот на генерацијата 2015 меѓу најдобрите во земјава е потврда дека струмичкиот прволигаш има одличен и златен подмладок на кој треба да се посвети внимание и во иднина

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.