Нови 20 фолк песни беа интерпретирани на 36 тото издание на Фолк фест Валандово каде според гласовите на жирито и присутните во салата каде се изведе главната фестивалска вечер, победник е Мишко Крстевски со песната „Ема убава“ на која како комплетен автор се јавува Љупчо Трајковски Фис. Наградата за првото место изнесува 1500 евра во денарска противвредност.
Втората награда отиде во рацете на Елена Андонова која ја отпеа песната „ Ни седум неба ни седум гори“ за која музиката ја напиша Горјан Стојановски, текстот е на Борче Нечовски а аранжманот на Дарко Илиевски. Токму Илиевски за ова песна ја понесе наградата за најдобар аранжман Драги Митев , додека Елена Андонова наградата за најдобра интерпретација Никола Бадев. Наградата за второпласираната песна изнесуваше илајда евра
Третата награда отиде во рацете на Анета Мицевска и група Молика за песната ,,Букети од сомнежи“ зад која стои Миле Барбаровски и Ѓорѓи Барбаровски. Наградата за третопласираната песна изнесува 750 евра.
Наградата за дебитант Миле Брзанов отиде кај Адријана Ацевска која ја отпеа песната „Проклет да си “ додека наградата за најдобар текст Мирко Карамучев отиде кај Огнен Неделковски за текстот за песната „Песна беше живот мој“ во изведба на Нино Величковски. Сите тие како и наградите за аранжман и интерпретација беа во висина од 500 евра.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
