Браќата Бранко и Влатко Сапламаеви од Богданци познати како ,,Sap Brothers“ го промовираа новиот сингл кој носи наслов ,, ААА” а за кој изработија и видео. Зад целиот нов музички проект стојат токму браќата Сапламаеви кои ја направија музиката, текстот и аранжманот. Ова нивен трет сингл откако на македонската музичка сцена се пробија со Љубов си ти летото 2020 тата а минатата година во мај ја објавија Шизни си .
,,Мислев еднаш да напишам љубовна песна, солзи да мами да ја преслушаш 100 пати 200, а капна ли мастило на хартија, секоја мисла ми одлета, сè што успевам да напишам е запирка една” е првиот стих од песната ,,Ааа” која е илустрација на нашето секојдневие во кое индивидуата се соочува со постојани проблеми но не се откажува и става запирка
,,После 7135917 кадри, шминки и незгодни ситуации, браќата сакаат да ви пренесат една единствена порака – без разлика каква е, енергијата се шири многу брзо и насекаде. Затоа, потрудете се да биде позитивна,, објавија ,,Sap Brothers“ на својот официјален ФБ профил
Бранко Сапламаев вели дека песната има за цел да изнуди насмевки кај публиката
,,Како и до сега, сакавме да направиме нешто пошарено од актуелната сцена, а при тоа да измамиме некоја насмевка на лицето на гледачите и слушателите. Секојдневно се среќаваме со ситуации кои изнудуваат ААА реакција и подоцна таа енергија се пренесува. Тоа беше главниот мотив, а останатото е само начин на кој што тоа го пренесуваме. Можеби некој дури и ќе си ја запее ААА во некоја таква дешавка. Сакаме насмеани и среќни лица,, изјави за Дрнка.МК Бранко Сапламаев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
