Обука на здравствени работници, набавка на амбулантни возила, но и опрема за реагирање при срцеви итни случаи. Ова е целта на проектот „Прекугранична област, безбедна за срцето“ што Центарот за развој на Југоисточниот плански регион од Струмица ќе го реализира со болницата Ахепа од Солун но и Друштвото за итна претхоспитална нега од Грција.
,, Планирана е набавка на амбулантни возила за општините Струмица, Радовиш, Валандово и Гевгелија. Друго што ќе се набавува се 18 автоматски (мобилни) дефибрилатори кои ќе бидат поставени на јавни локации, и граничните премини во Гевгелија, Дојран и Ново Село. Дополнително, ќе бидат обезбедени 6 полуавтоматски дефибрилатори, 6 ЕКГ апарати,, кажа првиот човек на Центарот за развој на Југоисточен плански регион Јован Коцев
Со имплементацијата на проектот се очекува да се унапреди системот за итна медицинска помош во здравствените установи во Југоистокот и нивната подготвеност за реагирање при срцеви итни случаи.
„Вкупниот буџет на проектот е над 1,2 милиони евра а буџетот за Центарот за развој на југоисточниот плански регион е над половина милион евра а проектот ќе се имплементира во наредните две години“, кажа Коцевв
Со проектот се планирани и 60 обуки за укажување прва помош со користење дефибрилатори како за медицински персонал така и за вработени во повеќе институции и граѓани од Југоистокот. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
