Екипата на Огражден од Ново Село славеше над Спартмани од Градско Балдовци во дербито од првото пролетно коло и се приближија на врвот од табелата. Никола Тасев кој двапати беше прецизен и Живко Коцев, ја донесоа победата за новоселчани кои со 3:1 во Радово го надмудрија тимот од Градско Балдовци кој беше во улога на доаќин.
Во второто дерби во Злеово немаше победник. Таму Слога со Интер Кукла од Куклиш одиграа 2:2, додека Илинден од Добрејци со 3:0 беше подобар од Напредок од Радово, Дрвош пак ги однесе бодовите од Пиперево со Единство.
Со поразот Спартмани ја препушти лидерската позиција на Интер Кукла која има 17 бода. Тие се втори со 16, трети се Огражден од Ново Село со 15, Слога Злеово има 14 а по 13 имаат Дрвош и Илинден
Следното коло се игра престојниот викенд. Интер Кукла игра со Илинден од Добрејци, Спартмани му гостува на Слога Злеово , Огражден од Ново Село дома игра со Единство од Пиперево а Дрвош со Напредок
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
