Утре во Струмица, задутре во Ново Село караван за вакцинација против Ковид-19

520

Министерството за здравство, со поддршка од Агенцијата на САД за меѓународен развој (УСАИД), Светската здравствена организација (СЗО) и Фондот за деца на Обединетите нации (УНИЦЕФ), отпочна караван за вакцинација против КОВИД-19 кој ќе посети 14 локални заедници низ државата. На 24.03.2022 караванот ќе ја посети општина Струмица, додека пак на 25.03.2022 општина Ново Село. Настаните ќе се одржат од 12:00 до 16:00 часот – во Струмица на плоштадот, а во Ново Село кај пазарот. За време на овие настани, граѓаните ќе можат да се информираат и да се вакцинираат против КОВИД-19.

Последните податоци покажуваат дека околу 41% од вкупното население во Северна Македонија е вакцинирано со две дози, а само 7% имаат примено и трета доза. Имајќи предвид дека невакцинираните луѓе имаат поголем ризик од смрт од КОВИД-19 во споредба со оние кои биле вакцинирани, голем дел од населението останува незаштитено од можните тешки последици од КОВИД-19.

Одлуката за вакцинирање не треба да се одложува. Вакцините се многу побезбеден начин за развивање имунитет од КОВИД-19 отколку заразувањето со вирусот и докажано нудат посигурна заштита од природниот имунитет. „Бустер“ дозите обезбедуваат континуирана заштита од тешка форма на болеста КОВИД-19 и од смрт, а освен тоа помагаат и да се развие максимална заштита од сите варијанти на вирусот познати во моментот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.