Специјалистот по спортска медицина 54 годишниот Бошко Илиев од Кавадарци утре на празникот Богородица ќе ја преплива браната Водоча кај Струмица. Ќе плива околу 6 километри за да испрати порака дека пливањето е најдобар спорт и создава културни навики за живот. Паралелно сaка да го промовира ова вештачко езеро кое плени со својата убавина и како што вели,, питомост,,
,, Ова ќе е мој 12 ти маратон годинава или вкупно 83 ти во мојата кариера. Стартувам околу 10 часот и ќе пливам вкупно 6 километри. Досега ги имам препливано речиси сите природни и вештачки езера во земјава. Го имам пливано Охрид, Дојран, езерото Тиквеш, Маврово, Берово, Мантово, Козјак. Сакам да упатам апел до младите да го практикуваат овој спорт но и да се свртат кон нашите убавини,, изјави за Дрнка. Мк Илиев
Пливањето на кавадаречкиот доктор по спортска медицина го поддржа и општина Струмица и градоначалникот Коста Јаневски. Пливањето на Илиев би требало да трае околу 3 часа во водите на брана Водоча.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
