,,Струмица како културно-историска туристичка дестинација” е проектот што Здружението за култура и развој на креативни индустрии ,,Култ-Транзен” го реализира со цел да се анимира и промовира богатото културно и историско богатство во Струмица за нивна поголема посетеност преку организирање туристички тури. За таа цел тие во изминатиов период поставија информативни табли на 11 локалитети кои се значајни за посета а преку нив и за запознавање на историјата на струмичкиот регион.
За таа цел во рамките на проектот креирани се две туристички патеки и тоа: „На патот кон духовната традиција – 1000 години Струмичка епископија“ со одбележување на средновековни цркви и археолошки сакрални објекти од среден век на територијата на општина Струмица а втората патека е насловена „7000 години цивилизација од праисториска населба до средновековно утврдување“ – каде е проследен развојот на човечката цивилизација. До археолошките локалитети од двете понудени туристички патеки се направени пристапни патеки до локалитетите и маркери.
Токму на овие две патеки поставени се 11 информативните табли со историски податоци, датирање и фотографии за локалитетите Св.40 Севастиски Маченици и Римска Терма во Бања Банско, Св.15 Тивериополски Маченици, Орта Џамија, Мачук во Струмица, Св.Богородица Елеуса во Вељуса, Комплекс Водочки Цркви Св.Леонтиј во Водоча, Цареви Кули над градот Струмица, Турска Кула и локалитетот средновековна црква во Струмица.
Општата цел на проектот беше да придонесе кон унапредување на континеталниот туризмот во општина Струмица со цел да воспостави социјален, економски и територијален одржлив развој на општината со акцент за развој и унапредување на културниот туризам за што Култ-Транзен изработи и ВЕБ СТРАНА на која може да се видат сите локалитети и позначајни историско културни споменици
Проектот „Струмица како културно-историска туристичка дестинација се спроведува во рамките на регионалната програма за локална демократија во Западен Балкан (RELOAD), финансирана од Европската Унија, а спроведувана од програмата за развој на обединетите нации (УНДП) и се имплементира во соработка во соработка со НУ Завод за заштита на спомениците на култура и Музеј – Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
