До 3 јули е аплицирањето за грантови од Оперативниот план за вработување за 2026 година. Станува збор за мерки со кои млади до 29 години може да отворат бизнис и да се самовработат при што ќе добијат грант од 10 илајди евра или пак повзрасни кои ќе добијат седум илајди евра. Грантови ќе бидат доделени и за здружување на два или повеќе лица за отворање бизнис кои може да добијат од 14 до 20 илјади евра.
Новитет е што може да аплицираат и повратници од странство кои ќе добијат 10% повеќе во однос на останатите. Ефикасноста на овој план е со над 93 одсто.
Од ланскиот план околу 4 500 лица најдоа вработување
„Вработувањето и подобрувањето на животниот стандард на граѓаните се едни од најважните предуслови за развојот на Струмица. Затоа ги охрабрувам сите заинтересирани да ги искористат мерките од Оперативниот план за вработување за 2026 година, кои нудат добра можност за започнување сопствен бизнис и отворање нови работни места“, порача градоначалникот на Струмица Петар Јанков.
Од Агенцијата за вработување информираа дека сите заинтересирани невработени лица можат да добијат дополнителни информации во работните клубови при 30-те центри за вработување низ државата, преку контакт-центарот 02 3111 850, како и на веб-страницата на Агенцијата за вработување www.av.gov.mk
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
