„Владата МОРА да ги поништи концесиите за рудникот и конечно да го ослободи општеството од долгогодишната опасна тензија. Нагласуваме: ДА ГИ ПОНИШТИ, не да ги враќа на повторна постапка“. Ова е дел од барањето на активистите против рудници од девет граѓански здруженија кои упатија заедничко барање до македонската влада во врска со рудникот Иловица-Штука на Огражден. Ова ново барање произлезе откако Вишиот управен суд донесе пресуда со која го одобри спојувањето на двете концесии на Огражден за експлоатација на металични суровини на Еуромакс
„Владата ги има сите правни основи, механизми и јавната поддршка за тоа.Никакво друго решение не е прифатливо. Проектот Иловица-Штука ја згрозува не само Струмичката Котлина, туку и целата држава.Во спротивно, во догледен рок, ќе повикаме на сеопшт, сееколошки и сеграѓански отпор генерално против рудниците на смртта и другите облици на загрозување на природата, околината и здравјето“, стои во повикот на екоактивистите објавен на ФБ страната на Здрава Котлина
Потписници на барањето се: ЕКО-ДОЛИНА од Ново Село, ЗДРАВА КОТЛИНА од Струмица, ЗЕЛЕНА НАРОДНА СТРАЖА од Скопје, ЈА ШТИТАМ БЕЛАСИЦА од Ново Село, МЛАДИТЕ НА ШТУКА И ИЛОВИЦА од Босилово, СПАС ЗА ГЕВГЕЛИЈА од Гевгелија, СПАС ЗА ПРИЛЕП од Прилеп, СПАС ЗА СТРУМИЧКА КОТЛИНА од Струмица и CHANGEMAKERS 4 ALL од Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
