КУД Боро Џони и Октет Струмица ги понесоа првите награди на Меѓународниот фестивал на уметностите „Морско коњче“ во Бугарија. Октетот првата награда ја доби во категориајта пејачка група до 10 члена додека играорките од „Боро Џони“ за најдобра фолклорна група до 20 члена. Вака објавија од НУЦК Антон Панов од Струмица каде дејствуваат овие уметнички друштва а беа примени и од Христо Јанев прв човек на Општина Обзор кој беше организатор на фестивалот изминатите два дена.
КУД „Боро Џони“ на фестивалот во Обзор се претставија со Егејскиот сплет, пренесувајќи ја богатата фолклорна ризница на Македонија преку автентични игри, динамика и силна сценска енергија. Тие и лани посвоија награда. Октетот „Струмица“, пак ги изведе песните „Под кулите на Струмица“ и „Марие, дилбер, бела Марие“ и ја воодушеви публиката, претставувајќи ја убавината на македонската хорска песна.
Настапот на струмичките уметници уште еднаш потврди дека културното наследство на Струмица успешно се негува и промовира надвор од границите на Македонија, благодарение на посветеноста, талентот и љубовта на членовите на овие ансамбли, кои достојно ја претставуваат македонската традиција на меѓународната културна сцена.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
