Советникот и заменик градоначалник на Струмица Владимир Ристов беше дел од регионалната студиската посета на Варшава и Љублин во Полска каде од прва рака се информираше со работата на полските локални институции, локланиот економски развој и процесите на носење одлуки на локлано ниво. Студиската посета беше организирана од НДИ и Унијата на полски метрополи. Каде учествуваа претставници на локални самоуправи од десетина европски земји, овозможувајќи размена на искуства и воспоставување контакти меѓу локални лидери од регионот.
„Оваа студиска посета на Полска беше одлична можност да се запознаеме со конкретни модели и практики кои можат да бидат применливи и во нашите локални самоуправи. Особено значајни се искуствата во делот на учеството на младите и граѓаните во процесите на донесување одлуки, партиципативното буџетирање и соработката меѓу локалните самоуправи“, вели советникот Ристов
Во рамки на студиската посета беа презентирани и модели на партиципативно буџетирање во училиштата ширум Полска, со посебен фокус на вклучувањето на младите во процесите на одлучување. Беше разговарано и за функционирањето на младинските центри, механизмите за учество на граѓаните, како и за искуствата на Лублин во развојот на културните политики и неговото позиционирање како Европска престолнина на културата во 2029 година.
Во текот на програмата беа реализирани средби со министерката за национално образование на Полска, Барбара Новацка, пратеничката Александра Кот, поранешниот заменик-градоначалник на Варшава Павел Рабјеј, директорот за законодавство во Унијата на полски метрополии, Томаш Фјолек, како и со советници и претставници на локалните самоуправи на Варшава и Лублин.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
