Земјоделците од општина Ново село цела година чекаат обештетување по ланското мајско невреме со град кој им го уништи посевите. Најпогодени беа производителите во подбеласичките населени места Колешино, Борисово и Мокриево каде цели плантажи со бостан, пиперки и овошни насади беа уништени. Реагираат бидејќи лани останале и без производство, но и без поддршка од државaта.
,, Имавме кој по 2 хектари бостан кој по десетина декари. Некаде беше 100% уништен. Настрадаа сите посеви оти само што беаше засадено на отворено. Доаѓаше комисија, направија проценка но пари сеуште немаме добиени ниту пак абер дали и кога ќе има. Ем останавме без производство ем државата не ни даде поддршка а слушаме дека во одделни реони во земајва има исплаќано по основ на штети од елементарни непогоди,, коментираа земјоделците од Борисово
Општинската комисија за проценка на штети од елементарни непогоди при Ново село констатираше уништени посеви кај 163 лица а вкупната проценета вредност изнесува околу 41 милион денари. Елаборатат со висината на штетите беше усвоен од општинскиот совет и тој се наоѓа пред Влада. Од таму информираа дека комплетна е документацијата и се чека одлука за обештетување согласно утврдената методологија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
