Aктивистите од ,,Здрава котлина’’ кои беа најгласни против изградба на рудници, на мирен протест на плоштадот во Струмица ги повикаа четирите општини од овој регион јавно да излезат и кажат врз кои се субјекти и инсталации имат извршено контроли во поглед на емисиите што ги испуштаат. Ова барање го упатија сметајки дека во струмичко постојат инсталации кои за локалните власти се ,,невидливи’’ од разни причини и го загадуваат воздухот во котлината.
,, Бараме од општините од струмичката котлина, јавно да покажат документи колку, каде и кога имаат извршено инспекции на инсталациите со интегрирана еколошка Б дозвола и инсталации што се под усогласување со оперативниот план. Сите сме свесни дека има инсталации што воопшто не се пријавени а што емитираат значајно загадување во воздухот но се ,,невидиливи’4 за институциите од разни причини. Бараме јавна трибина со градоначалниците на Струмица, Босилово, Ново Село и Василево на тема загадувањето и нека ги презентираат записниците од досега извршените инспекции на инсталациите што се под нивна надлежност а ние ќе им ги презентираме нашите наоди’’, истакна Оливера Аризанова Мансбарт активист на Здрава Котлина
Таа од името на Здрава котлина побара Советите на Струмица, Босилово, Ново Село и Василево да ги поканат еколошките огранизации да земат учество на седница на која би се овозможило дискусија на тема загадување и предлагање на активни мерки за запирање на загадувањето.
,,Бараме советите на општините Струмица, Босилово, Ново Село и Василево да ги задолжат соодветните локални инститиуции и организации, поврзани со регулација на загадувачки емисии и отпад, да изработат локален инвентар на загадувачи и класификација по типови на загадувачки емисии и отпад. Сакаме точно да знаеме кој колку загадува и со што загадува, во рамки на дозволеното согласно добиената интегрирана еколошка дозвола. Инвентарот би бил јавен и корисен за понатамошен мониторинг како од институциите така и од граѓанските огранизации,, рече Аризанова
Меѓудругото од општините побараа да најадат начин и средства за да се постават најмалку шест нови автоматски мерни станици и да обезбедат три мобилни мерни станици за триангулација на загадувачи кои ќе бидат под локална ингеренција но со отворени податоци.
Пред протестот на ,,Здрава Котлина’’ за аерозагадувањето и застарениот образоваен систем протестираа и средношколци кои обвинија дека директорите на училиштата не ги пуштале да излезат за да го изразат својот револт, што пак го демантираа директорите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
