Македонската одбојкарска селекција ги доби противниците за пласман на Европското првенство догодина кое ќе се одржи во Полска, Чешка, Естонија и Финска. Четата на капитенот Никола Ѓорѓиев се најде во групата Ц каде за противници ги добија селекциите на Турција, Босна и Херцеговина и Данска.
Станува збор за релативно лесна група, преку која македонската селекција може да обезбеди ново учество на Европско првенство, откако лани ги стопли срцата со две победи над Белорусија и Словенија во дебитантскиот настап. Како што е познато македонската одбојкарска репрезентација ја сочинуваат момците кои потекнуваат од струмичката одбојкарска школа. Тука се браќата Никола и Ѓорѓи Ѓоргиеви, Владо Милев, Александар Љафтов, Васе Михаилов, Ристо Николов, Филип Маџунков, Славе Наков и Стојанче Илиев кои со поддршка на останатите станаа хит во Словенија.
Квалифкациите се играт во август и септември ова година а учество обезбедуваат најдобрите селекции од сите седум квалификациски групи и петте најдобри второпласирани репрезентации. Во првото коло Македонија игра на гости во Босна по што во второто и третото коло дома играат со Турција и Данска по што следуваат возвратните мечеви за да завршат со Босна на свој терен.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
