Преку Центарот за развој на Југоистокот, санација на полски патишта во општините Богданци, Гевгелија, Босилово и Ново Село

1385

Идната недела треба да почнат работите за санација на полски патишта во четири општини во Југоистокот кои беа пријавени како приоритетни од страна на самите локални самоуправи. Санацијата ќе се реализира преку Центарот за развој на Југоисточниот плански регион кој овие денови склучи договор со струмичката фирма Пешо Инженеринг која пак по распишаниот тендер, од седум понуди достави најниска цена од околу 17 илјади евра.

Договорот опфаќа санација на четири полски патишта. Во општина Богданци ќе се санира земјоделски пат во месноста викана Папрата и Барта во должина од 750 метри при што треба да се порамни и тампонира со слој од 10 см со шљунак од природен речен матријал. Во општина Гевгелија ќе се санира полски пат во Богородица од 245 метри при што се планира исколчување на трасата, расчистување и порамнување на патот и тампонирање со дробен камен.

Во општина Босилово ќе се санира полски пат во село Робово во должина од 400 и широчина од 3 метри. Станува збор за пат кој опфаќа повеќе катастарски парцели каде ќе се пристапи со машинско порамнување и насип на земја како и поставување на слој од дробен камен. Во општина Ново Село планирана е санација на земјоделски пат во атарот на село Борисово во должина од 500 метри при што таму се планира порамнување и поставување тампонски слој од шљунак од 20 см.

Како што информираа од Центарот ова е прва фаза при што и во наредниот период се плнираат зафати за санација на полски патишта што ќе бидат предложени од самите општини

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.