Подружницата на АД „Македонска пошта“ во Струмица доби шест нови службени возила, дел од вкупно 100 те возила што Владата ги набави за потребите на претпријатието со цел подобрување на поштенските услуги низ државата.
Со новите шест возила значително се зголемува возниот парк на струмичката пошта, која досега располагаше со само три возила кои беа амортизирани секое со помината половина милион километри. Како што кажа директорот на подружницата во Струмица Трајче Златинов обновата на возниот парк се случува по повеќе од 15 години.
„Со зголемувањето на возниот парк очекувам поштенската единица во Струмица да работи поефикасно и поефективно во обезбедувањето на поштенските услуги за граѓаните“, изјави генералниот директор Орхан Куртиши.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
