Членови на навивачката група „Ајдуци“ од Струмица со фотографија пред зградата на општинaта објавена на својата ФБ страна, најавуваат активности со кои ќе се анимира јавноста за да се врати конечно сјајот на ФК Беласица. Сметаат дека клубот не заслужува да биде во Втора лига. Во реакцијата доставена и до нашата редакција наведуваат дека ФК Беласица треба да остане како и досега ГОРДОСТ на Струмица за што е потребна поддршка од јавноста, локалната власт но и бизнис заедницата.
Еве го нивното соопштение во целост
„Пред 15 години почна една борба со протест чија што идеја беше враќање на гордоста на градот таму каде што и местото.
И после толку години, а ситуацијата во клубот е идентична како тоа лето во кое го дигнавме нашиот глас за промени, годините минуваат, доаѓаат нови генерации, а гордоста на Струмица наместо да сјае станува една легенда и приказна, која звучи неверојатна за младите генерации, кои само знаат но не ја почуствувале големината на овој клуб.
Токму затоа денес, повторно го дигаме нашиот глас, со акција, да ја разбидуме струмичката локална јавност, струмичката локална власт, струмичкиот бизнис, дека овој град СТРУМИЦА САКА СИЛНА БЕЛАСИЦА !
И овој пат ова не е само протест кој ќе дигне врева и ќе биде заборавен, ова е почеток на борба која ќе трае се дур целта не биде исполнета а тоа е ФК БЕЛАСИЦА да биде клуб кој носи успеси на Струмица.“, се вели во соопштението од навивачката група Ајдуци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
