Пожарот кој избувна на локалитетот ,,Мамино” во непосредна близина на ветерниците кај Богданци според последните информации е ставен под контрола. Како што информираше градоначалникот на општина Богданци на терен сеуште се екипи на Шумското стопанство но и комуналното претпријатие од ова општина оти сеуште е активен и постои опасност да се распламти повторно. Првично изгорена е нискостеблеста шума од повеќе хектари.
Вчера во гаснењето се вклучија и авионите ,,Ер трактор” од Агенцијата за заштита и спасување кои во попладневните часови постојано надлетуваа интервенираа над опожарената површина бидејки постоеше закана пожарот да се приближи до ветерницата број 5. Заради непристапниот терен вчера не можеше да се реагира од копно.
Засега сеуште не се знаат причините за овој пожар, но се претпоставува дека причинител е човечкиот фактор. За кус временски период на овој предел имаше три пожари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
