За рок од 40 месеци треба Богданци да добие целосно нова дистрибутивна водоводна мрежа со која жителите на овој општински центар ќе добијат квалитетна вода за пиење. Станува збор за реконструкција на водоснабдителниот систем стар над 60 години кој се реализира со пари од Министерството за животна средина во висина од 4 милиони евра. Вака соопшти премиерот Димитар Ковачовски кој заедно со министерката за животна средина Каја Шукова и градоначалникот Блаже Шапов го означија почетокот на реконструкцијата на системот.
„Исклучително важен проект со што ќе се обезбедат здрава вода за пиење, намалување на финансиските загуби и воведување на високи стандарди за управување со водите во Богданци. Ова е еден од најголемите инфраструктурни проекти за водоснабдување што е целосно финансиран со домашни, буџетски средства, а во неговата имплементација вклучуваме модерни технологии,, кажа премиерот Ковачевски
Со проектот се предвидува реконструкција на 179 крака од водоснабдителната дистрибутивна мрежа со реконструкција на постоечките шахти и хидранти како и замена на сите водоводни приклучоци, кажа градоначалникот на Богданци – Блажe Шапов кој подвлече дека станува збор за мрежа од 54 километри.
„Здравствените ризици, недостигот од вода во одредени зони во градот, честите дефекти и загуби на вода, непостоење на подземен катастар се причините заради кои се одлучивме на реконструкција на дистрибутивната мрежа за водоснабдување во Богданци . Со овој проект освен замена на 54 километарска водовна мрежа на истата ке се инсталираат разделни шахти, регулатори на притисок, испумни вентили кои ке овозможат поефикасна интервенција при дефект но и постојан притисок на повисоките мести“, изјави градоначалникот на Богданци Блаже Шапов кој повика на трпеливост во наредниот период од страна на граѓаните.
Пред Нова година, Министерството за животна средина склучи договор со фирмата ,,Конструктор” од Скопје за реконструкција на системот за водоснабдување во Богданци. Станува збор за договор вреден 250 милиони и 228 илјади денари или околу 4 милиони и 68 илјади евра
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
