Фудбалерите на Академија Пандев ја забележаа и третата победа во годинашново првенство откако кај ,,романтичарите’’ во Скопје славеа со 2:1. Апсолутна доминација на тимот на Југослав Тренчовски кој со головите на Сашко Пандев и Марио Крстовски освоија нови три бода за да бидат сами на лидерската позиција во шампионатот.
Струмичани победата ја најавија уште на стартот од мечот кога по грешка на голманот на Работнички, Сашко Пандев успеа да го открие резултатот. ,,Пандевци’’ контуинирано напаѓаа и ги редеа шансите. Во финишот од првото полувреме Чубраковиќ ја испушти топката по шутото на Шарковски со што на пауза резултатот беше 1:1.
Но Академијата на Горан Пандев не се задоволуваше со реми.Во 77 минута Марио Крстовски постигна гол и донесе победа и нови три бода за струмичани кои сега со три победи и едно реми и без пораз и со гол разлика 5:1 се на лидерската позиција со 10 бода три повеќе од Ренова со која ќе се соочи следното коло
Еве ги головите на Сашко Пандев и Марио Крстовски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
