Тони Атанасов ќе ги предводи пандевци против Шкупи, Тренчовски најверојатно координатор во клубот

2236

По оставката на Југослав Тренчовски од функцијата шеф на стручниот штаб на Академија Пандев, раководството на клубот одлучи екипата во реванш дуелот против Шкупи од четвртфиналето од Купот да ја предводи Тони Атанасов дознава Дрнка.МК. Според информациите, Атанасов ,,пандевци” ќе ги води и во следното првенствено коло против Работнички во Скопје. Во меѓувреме раководството на клубот ќе  преговара со повеќе слободни тренери кои ќе сакаат да го водат  сениорски состав на Академијата до крајот на ова сезона.

Југослав Тренчовски вчера во изјава за Дрнка МК кажа дека овие денови ќе разговара со раководството на клубот и ако има потреба ќе остане во клубот. Дознаваме дека првите луѓе на клубот нема намера да се откаже од Југослав Тренчовски на кого ќе му биден понудено да остане и да биде координатор во клубот или спортски директор.

По вчерашното реми со Борец, Југослав Тренчовски поднесе неотповиклива оставка превземајки ја одговорноста за серијата лоши резултати. Во среда на стадионот Благој Истатов,  Академијата на Горан Пандев го игра реваншот со Шкупи за пласман во полуфиналето во Купот и одбрана на тирулата. По првиот меч имат предност од 1:0.

фото: Од изборот на спортист на општина Струмица – Југослав Тренчовски и Тони Атанасов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.