Повисоки откупни цени на куртовската капија од годинашнава реколта, исплата на субвенциите од лани за предадено кило пипер во преработувачките капацитети и по површина, навремена исплата на предадените количини пипер кај откупувачите и преработувачите. Ова се трите барања кои струмичките земјоделци ги упатија од денешниот протест со блокада на крстосницата кај Робово до министерот за земјоделство Борче Серафимовски кој два дена го бараат на средба за да ги дефинираат цените во соработка и со откупувачите и преработувачите.
,, Зголемени и фиксно дефинирани цени и тие да важат за цела сезона. Бараме прва класа пиперки да се откупуваат по цена од 50 денари, прва и втора 40 и втора класа 20 денари. Преработувачките капацитети, исплатата на предадените количини да ја извршат во рок од три месеци а од државата бараме исплата на субвенциите како за предаден килограм во преработувачки капацитети така и за засеана повшрина“, кажа Гоце Јовев од здружението Млади Муртино
Земјоделците од струмичко иницирани од Здружението Млади Муртино цели два часа ја блокираа крстосницата кај Робово. Сообраќајот кон населените места Робово, Муртино, Банско беше во прекин или се пренасочуваше по други патишта. Земјоделците сметаат дека годинава цената на ајаварката не смее да падне под 45 денари за килограм
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
