Агенцијата за млади и спорт го распиша тендерот за изградба на затворен пливачки базен во Струмица. Станува збор за проект со кој се освен во Струмица се планира да биде изградени пливачки базени и во Кавадарци и Карпош во Скопје. Според тендерската документација станува збор за базен со должина од 25 и широчина од 9 метри. Базентот би имал променлива длабочина од 80 сантиметри до метар и 20 сантиметри, стои во техничката спецификација.
Во февруари ќе се знае која фирма ќе го добие тендерот за изградба на затворениот пливачки базен во Струмица кој би требало да биде на локацијата кај АТШ Берово. Доколку биде избрана фирма изведувач, според тендерската докуменација, истиот би требало да биде готов во рок од две години од денот на воведување во работа на изведувачот.
Со оглед дека е распишана јавна набавка во пакет за сите три базени, може истата да биде делива односно една фирма да гради еден базен. Инаку проектираната вредност на сите три базени изнесува 150 милиони денари, пари кои ќе се исплаќаат од државниот Буџет – три години.
Постапката за изградба на затворен базен во Струмица почна во септември 2021 година со изготвување на тендерската документација, откако за потегот околу АТШ Берово кај СРЦ Пандев беше донесе урбанистички план за спорт и рекреација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
