Земјоделците од струмичко се заканија дека ќе го блокираат патниот правец Струмица граничен премин Ново Село доколку не се корегираат откупните цени на црвените пиперки. Според нив предложените цени од страна на откупувачите и фабрикантите се ниски и понижувачки. Посебно реагираат на откупната цена од 25 денари за пиперки кои треба да одат за конзервните фабрики.
Со вака предложените цени како што кажаа нема да ги покријат ниту производствените трошоци а камоли да заработат а поминуваат тешка година со климатски промени.
,, Срамота е оваа за 25 денари да се даде килограм пиперки. Дали знаат надлежните како се произведува, како се мачевме кога пролетта имавме поплави и ги спасувавме посевите, како дополнително инвестиравме во пластениците кога пред две недели имаше силен ветар и ни ги уништи пластениците. Понудените цени ни најмалку нема да ги покријат нашите трошоци“ реагираа градинарите кои се собраа во центарот на Муртино
Како што кажаа производителите, откупните цените на годинашниов старт на откупот се пониски за 20 отсто за истиот период од минатата година. Тврдат дека со вакви аграрни политики и отсуство на државна координација и интервенција ќе се уништи земјоделскиот сектор во земјава.
,, Го повикуваме министерот за земјоделство Борче Серафимовски да не посети. Да ги повика на заедничка маса и откупувачите и фабрикантите и да најдеме заеднички прифатливи откупни цени. Вака не бива оти годинава немаше добри откупни цени ниту на пролетната зелка ниту на доматите ниту на краставиците. Живееме на шкрги и на вересија. Ако министерот не не посети најуваваме блокади на патниот правец кон Бугарија„, кажаа од здружението Млади на Муртино кои го иницираа протестот
Во струмичкиот регион деноввие само што почна бербата на црвените пиперки. Како што кажаа земјдоелците тие со подобар квалитет се откупуваат по цена од 35 до 45 денари за килограм и се наменети за извоз додека останатите се откупуваат за конзервно преработувачктие капацитети по цена од 25 денари. Допрва се очеклува да се интензивира бербата и откупот на црвените пиперки во струмичко. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
