Со средства од сопствениот Буџет, општина Василево деновиве работи на уредување и бетонирање на пороите во населените места Градашорци и Радичево. Денеска градежна механизација пристапи кон чистење на отпадот и вегетацијата од каналот во Чифлик Маало во Градашроци кој ќе биде бетониран. Ќе се уредува порој канал од околу 200 метри со што значително ќе се подобри инфраструктурата но и животната средина во овој дел на Градашорци, објави градоначалникот Марјан Јанев
Освен во Градашорци се работи и на уредување на каналот порој во населеното место Радичево. Станува збор за дел лоциран покрај главниот пат низ Радичево кој се бетонира во должина од стотина метри. На истиот ќе има и плочест премин за премостување. Средствата за реализација на овие два канали кои ќе бидат уредени изнесуваат околу 650 000 денари и истите се обезбедени од општинскиот Буџет.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
