Ќе се уредува платото пред Домот на културата во Нова Маала, Општина Василево склучи договор со БРР

361

Првиот човек на општина Василево Славе Андонов го потпиша Договорот со Бирото за регионален развој за обезбедување финансиски средства за партерно уредување на платото пред Домот на културата во населеното место Нова Маала. Станува збор за средства од околу 3,2 милиони денари со кои просторот кај Домот на Културта  комплетно ќе добие сосем нов лик и содржини и можност за организирање на настани од отворен тип.

,,Планирано е бетонирање и поплочување на платото, со организиран паркинг простор, поставување на урбана опрерма, односно клупи и корпи за отпадоци, фонтана за вода за пиење, летниковци и  детски реквизити, како и хортикултурно уредување со што целосно ќе се промени не само визуелниот изглед на просторот туку ќе понуди и содржини кои ќе значат подигање на квалитетот на животот во ова населено место.Со уредувањето на овој простор ќе се зголеми и функционалноста на Домот на културата со зголемување на можностите за организирање на настани како од затворен, така и од отворен тип,, соопштија од општина Василево

Во наредниот период ќе следи објавување на тендер и избор на компанија која на терен ќе ги реализира планираните активности.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.