Патниот правец од Нов кон Стар Дојран добива нов асфалтен слој а рехабилитација ќе има и на делницата од Стар Дојран до граничниот премин кон Грција но и делницата Фурка – Дедели. Вака најави директорот на ЈП Државни патишта Зоран Китанов кој заедно со министерот за транспрот и врски Горан Сугарески и градоначалникот на Дојран Анго Ангов извршија увид на градежните работи.
,, Патот кон Дојран се рехабилитира во четири дела. Првиот почна минатата година и се работеше на потегот од Црничани до раскрсницата за Николиќ , сега се работи меѓу Нов и Стар Дојран а потоа ќе пристапиме на рехабилитација на патот до граничниот премин кон Грција но и делницата Дедели-Фурка. За мајските празници очекувам ова делницата да биде готова за туристи и непречено да се одвива сообраќајот,, рече Китанов
Првиот човек на Дојран Анго Ангов информираше дека со подобрување на патната инфраструктура се овоможува и поголема посетеност на Дојран во пресрет на новата туристичка сезона. Ангов рече дека за ова општина преку министерството за транспорт и врски се обезбедени 600 илјади евра за патната инфраструктура
,, Како што кажа министерот Горан Сугаревски, за Дојран има обезбедено 600 илјади евра за изградба на локални патишта и улици. Имаме аплицирано и ова година Фурка Николич и Црничани ќе добијат нови улици а Црничани и канализациона мрежа . Сето тоа овозможува подобар живот за жителите на ова општина,, рече Ангов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
