Струмичани ја одбележаа годишнината од смртта на својот сограѓанин и претседател Борис Трајковски кој во 2004 тата загина во авионска несреќа кај Мостар. пред присутните граѓани за животот и делото на Трајковски зборуваше првиот човек на општина Струмица Коста јаневски. Тој подвлече дека Трајковски беше човек кој ги почитуваше сите и силно се бореше за државата да биде членка на европското семејство и северноатлантската алијанска. Градоначалникот на Струмица Коста Јаневски кој заедно со преставници од Советот положи свежо цвеќе пред споменикот Македонија подигнат во негова чест во големиот градски парк кажа дека со неговите дела секогаш ќе остане во сеќавањата на струмичани.
,,Генерации и генерации ќе ја продолжат убавата приказна за него, бидејќи тој заслужи таков третман од севкупната јавност. И понатаму ќе се прераскажува кој беше и каков беше Борис Трајковски, и тие прераскажувања ќе бидат пренесувани од колено на колено на сите идни генерации, затоа што тој го заслужи своето место во нашата историја. Ние струмичаните и понатаму ќе ги одбележуваме годишнините од неговото раѓање и од неговото прерано заминување од овој свет, затоа што тој го сакаше овој град, ја сакаше оваа земја по која сите заедно чекориме, го сакаше Севишниот Господ – Бог, и ги сакаше луѓето кои се дел од неговото опкружување. Вториот македонски претседател Борис Трајковски беше наш човек и затоа бевме, сме и ќе останеме горди за вечни времиња, рече меѓу другото, градоначалникот Јаневски
Пред споменикот Македонија подигнат во чест на Борис Трајковски свежо цвеке положија и преставници од цнетралната власт, политички партии , негови роднини и организации
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
