Медиумскиот простор во Струмичко се збогати со уште една радио стадница. Станува збор за Импулс радио со седиште на територијата на општина Ново Село а програмат аја емитува директно од Сушица населено место познато по многу музички и спортски имиња. Етерски е позиционирано на фреквенцијата 107,4 ФМ и почна да емитува сопствена програма која е сконцентрирана пред се на музиката.
,,Приказната за создавањето на овој медиум треба да се побара во решеноста на основачот, Горанчо Тасев, да се создаде едно катче за да се побегне од секојдневното бомбардирање со корона вести, воени дејства, конфликти и разни непријатни хроники од секојдневието. Тоа катче стана реалност на 27 декември 2021 година, кога започна со пробна 24-часовна програма Радио Импулс,, ни изјави м-р Владе Ефтимов главен и одговорен уредник на радиото кое може да се слуша и на интернет.
ТРД Импулс радио брои екипа од петмина луѓе. Тоа е музичка радиостаница, чијшто првичен интерес е македонската и српската народна музика. Според Ефтимов солидна минутажа се посветува и на забавната македонска и српска музика, како и на екс-ју музичката ера, обоена претежно со рокенрол звуци.
,, Од 1 февруари 2022 година започна радовната програмска понуда, во којашто спаѓаат и две музички специјализирани емисии: „Бисер ѓердани“ – музички времеплов низ најдобрата македонска и српска музика, со Владо Ефтимов. Емисијата премиерно се емитува секоја сабота, точно напладне и репризи во вторник од 10 часот и во четврток од 21-часот. Специјализираниот музички колаж „Музички незаборав“, со Костадин Китановски и Мартин Георгиев како идејни творци, уредници и водители кој премиерно се емитува секоја недела точно напладне а репризите се во понеделник од 21-часот и петок од 10-часот. Во блиска иднина планирано е да започне и попладневно матине во живо, во чијшто фокус ќе бидат секојдневни општински и сервисни информации, културни вести и слични занимливи содржини,, вели Ефтимов
Импулс радио својата програма ја емитува и преку интернет стриминг: http://live.impulsradio.mk/impulsmk.mp3 . Како што велат од таму преку оваа платформа, програмата на Импулс радио ја следата и иселениците од општина Ново Село и на тој начин се чувствуваат поврзани со родната грутка и секојдневно воспоставуваат контакт за да споделат свои важни моменти и да си ги честитаат личните поводи за славење.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
