Членови на велосипедските клубови од Струмица апелираат до учесниците во сообраќајот да не ги паркираат возилата на вело патеките и локации кои го попречуваат движењето на велосипедистите. Апелот доаѓа откако на социјалните мрежи последниов период се споделуваат споделуваат низа фотографии од непрописно паркирање на возила токму на патеките наменети за велосипедисти. Според нив со вака паркираните возила не само што се попречува двиќењето на велосипедистите туку и се загрозува безбедноста како нивна така и на останатите учесници во сообраќајот.
Под наслов „Традицијата продолжува„ денеска се објавија фотографии дете со кацига вози велосипед и мора да го заобиколува возилото паркирано на место каде поминува вело патеката. Паралелно паркираното возило предизвика и проблем за пешаците.
Општина Струмица во рамките на проектот ,,Струмица – паметен вело град’’ кој го финансира ЕУ гради вело патеки. Досега се изградени над 70 одсто од предвидените патеки. Проектот кој ќе трае до 2025 година ќе има за цел да обезбеди соодветна инфраструктура за да се користи велодиспедот како превозно средство но и да се заштити животната средина од загадување од издувнните гасови од моторните возила.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
