Во Струмица ќе се градат велосипедски патеки од околу 11 километри за кои ЕУ одобри 750 илјади евра (ФОТО)

1471

Речиси 11 километри велодиспедски патеки ќе се градат во Струмица во рамките на проектот ,,Струмица – паметен вело град’’ кој го финансира ЕУ.  Вело патеките ќе се градат во  вдолж три булевари, десетина улици но и во големиот градски парк. Истите ќе бидат на дел од сегашните тротоари а на одредени позиции тие ќе бидат дел и од улиците. Проектот кој ќе трае до 2025 година ќе има за цел да обезбеди соодветна инфраструктура за да се користи велодиспедот како превозно средство но и да се заштити животната средина од загадување од издувнните гасови од моторните возила.

,, Вело патеки ќе бидат на асфалтна подлога. Но мора да се менува свеста и навиките кај струмичани. Сите дестинации се на блиско растојание а поголемиот дел на градот е на рамен терен. Велосипедот е погоден за транспротот за човековото здравје. Ако еден ден возилото го замениме со велосипед тоа ќе резултура помало загадување на воздухот, намалена бучава, намален сообраќаен метеж а подобро здравје,, кажа Ѓоко Ристевски од одделението за Меѓународна соработка и европски фондови при општина Струмица

Проекот ќе се реализира во повеќе фази. Освен изградба на велосипедски патеки истиот предвидува и можност за изнајмнување на велосипеди од една до друга дестинација но и реализација на низа активности кои треба да ја подигнат вело културата во Струмица.

,, Предвидените активности од проекот ќе влијат за подобрување на урбната мобилност во Струмица, ќе го промовираат немоторозираниот транспорт како здрав еколошки и економичен начин на превоз и ќе влијат на менување на сообраќајната култура. Освен мапирање и обележување на 10, 6 километри велосипедски патеки низ улиците во градот ќе се набави на опрема за воспоставување паметен систем за самоизнајмување на велосипеди, наабавка на попратна опрема за одржување на патеките но и кампања за подигање на јавната свест за немоторизиран транспорт,, кажа градоначалникот Костадин Костадинов

Во Струмица овие денови се одржува Фестивал на љубителите на велосипедизмот а на означувањето на проектот ,,Струмица паметен вело град’’ присуствувааше евроамбасадаорот Дејвид Гир но и амбасадорите на Шпанија и Италијалија. ЕУ за реализација на овој проект одобри 750 илјади евра во рамктие на програмата ЕУ за општините.

,, Се надевам дека ќе го реализирате проектот од кој бенефит ќе имат сите струмичани,, кусо рече Гир

Деновиве во Струмица се одржуваат низа активности со кои се подига јавната свест за користење велосипед посебно кај младата популација. Во рамките на Фестивалот млади со велосипеди одржаа Вело револуција со која јасно го кажаа својот став дека на Струмица и е потребна велосипедска инфраструктура

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.