Невреме во Ново Село урниса гнездо со млади штркови, жители бараат нивна заштита (фото)

7346

Попладнево во општинскиот центар Ново Село , невремето проследено со силен ветар урниса гнездо со штркови од електричен столб. Како што велаат жителите од ова место со гнездото паднале и четири млади штркови. Едно починале од падот, едно има повреди на крилото а другите две поминале без повреди.

Младите во моментов се стационирани во семејниот двор на Ацо Крлев во Ново Село кој вели дека им е потребна заштита на младите оти сеуште не летаат. Се јавувал по здруженија за заштита на животни и птици, се јавувал и во зоолошката во Скопје за да се најде решение за овие птици.

,,Звонев и во ЕВН за да може да дојдат и ако може да го поправат гнездото, колку толку и таму да ги оставиме младите штркови но никој не се јави. Повикав ветеринар за повредениот штрк кој кажа дека најверојатно треба да се оперирало левото крило. Сега се во дворот и ќе се обидам да ги нахранам,, ни кажа Крлев

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.