,,Кошарка без граници”- Струмица во мај домаќин на турнир со екипи од екс ЈУ кошаркарските центри

4038

Во мај во Струмица ќе се одржи  интернационален кошаркарски турнир за кошаркари родени 2005 и помлади, на кој ќе земат учество екипи од цела поранешна Југославија кои своевремено но и сега се сметат за кошаркарски центри. Според информациите на Дрнка.МК турнирот ќе го организира КК ,,Струмица’’  кој има екипа М15 и со која се натпреварува домашната лига за кошаркари во ова конкуренција.

Турнирот ќе се одржи од 10 до 12 мај  а учество освен домашната КК ,,Струмица’’ ќе земат и тимови М 15  и од  КК ,, Партизан’’ Белград од Србија, КК ,, Цедевита’’ од Загреб  од Хрватска, КК ,, Будучност’’ од Подгорица Црна Гроа, КК ,, Сикст Приморска’’ од Копер Словенија но и екипа на КК ,, Спарс’’ од Сараево Босна

Според информациите  шестте екипи ќе бидат поделени во две групи од по три во кои младите кошаркари од поранешна Југославија, ќе играат секој со секој во групата, по што првопласираните од двете групи ќе играат за победничкиот трофеј

Турнирот е насловен ,, Кошарка без граници’’  кој има за цел да гради кошаркарски мостови на соработка меѓу клубовите и децата од поранешните ЈУ простори но и да се стекнат нови спортски пријателства преку кошаркарската игра. Овој проект на КК ,,Струмица’’  се најавува да биде и традиционален со цел да се докаже дека спортот и кошарката не познава граници.

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.