Деновиве во Струга се одржува шестиот интернационален џудо турир ,,Струга Опен 2019’’ каде учество зедоа над 400 учесници во повеќе категории а радовишките џудисти од клубот ,,Сенсеи’’ во конкуренција на пионери и помлади пионри освоија дури 12 медали што преставува успех за овој спорт во Радовиш.
Младите радовишани оставија силен впечаток на турнирот и се вброија во клубовите со најквалитетен подмладок во џудото како спорт во земјава. ,,Сенсеи’’ кој на турнирот во Струга настапи со 18 натпреварувачи освои три златни , пет сребрени и четири бронзени медали.
Злато освоија Леонид Геговски, Неда Поцкова и Теа Георгиева, сребро Стефан Ѓоргиев, Илијана Ристов, Димитар Трајчев, Анастасија Ржева и Невена Поцкова, додека со бронзени медали се закитија Мартин Крстев, Ана Ристова, Марија Србакова и Магдалена Трајчева
,,Ова е потврда дека во нашиот клуб сериозно се работи на усовршување на техниките на џудото како спорт. На овој турнир учествуваа деца и од други држави од Бугарија, Србија, Грција, Црна Гора, Албанија, Босна и Украина и ова е голем успех како за децата така и за нас како клуб. Ова е поттик и мотивација за понатамошна работа и надоградување,, ни изјави Наде Најдоска Ристов од клубот ,, Сенсеи’’ од Радовиш
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
