Струмица против Куманово отвара нова кошаркарска страница, во СОУ Никола Карев ќе се игра Втора лига – сениори

1712

По пауза од две сезони Струмица повторно се враќа на кошаркарската мапа во сениорска конкуренција. Пријавена е екипа во Втората лига од каде струмичани со сопствен потенцијал ќе се обидат да испишат нова страница во овој спорт кој последниве години  стагнираше кога станува збор за сениори. Овој викенд стартуваат натпреварите во Втората лига која е поделена на исток и запад а КК Струмица ќе игра во источното друштво кое брои 9 екипи

Утре во салата при СОУ Никола Карев со почеток во 12 часот КК Струмица ќе игра со КК Куманово а освен овие два тима во источното второлигашко друштво се и тимовите на Баскет Кам, Борец Баскет,  Риниа, Спарта, ТФТ, Феникс 2010, и Шкупи. По комплетирање на регуларниот дел од сезоната најдобрите осум (по четири од секоја група) ќе разигруваат меѓусебе во четвртфинале. Финалистите ќе се здобијат со право да учествуваат во Првата лига идната сезона.

Токму за формирање на сениорски кошаркарски клуб се заложија и од општина Струмица, кошаркарската федерација но и Владо Илиевски кој во јули за Дрнка.Мк кажа дека Струмица заслужува да има сениорски клуб во кошарка за децата и публиката

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.