Академија Пандев откако изминатото коло славеше против Шкендија и се проби на второто место на прволигашката табела, во недела го игра клучниот меч за Европско лето. Со победа над Работнички на свој терен тие и официјално ќе бидат во водечката тројка која излегува на европска сцена. Пандевци се фаворити но тоа треба да го докажат и на терен и заедно со публиката да испишат нов клупски успех за што се бореа цела сезона.
,,Целта која управата со стручниот штаб и играчите си ја поставија пред почетокот на сезоната беше – излез во европските купови. Академија Пандев е моментално на втората позиција на табелата и со евентуална победа на наредниот натпревар против Работнички и теоретски обезбедува европско лето. Сакаме на сите наши симпатизери и фанови да им се заблагодариме за поддршката која ни ја даваат преку цела сезона и голем дел од заслугата за добрите резултати е нивна. Ве повикуваме за последен пат оваа сезона на домашен терен, на градскиот стадион во Струмица, во НЕДЕЛА со почеток во 17 часот, да дојдете и да ни дадете мотив плус за победа на овој важен натпревар и на крај заедно да славиме и испишеме нова клупска историја,, стои во повикот од ФК Академија Пандев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
