Кошаркарите на Струмица најефикасни по четири кола а имаат и најдобар шут за три поени !

828

Повратникот во кошаркарската елита, тимот на Струмица има највисок просек на реализирани поени во воведните четири кола од првенството. Според статистиката на КФСМ, кошаркарите на Струмица имаат постигнато 369 поени или во просек даваат по 92.25 поени, што е нешто повисок скор во однос на Пелистер 91.0 екипа која поентерски доминираше и во изминатата сезона, додека Гостивар е на просек од 87.поени по меч. КК Струмица овие четири кола има три порази и една победа . Но освен што се поентерски, најрасположени имаат и најслаба одбрана имајки во предвид дека во четири првенствени кола имаат примено 389 поени или во просек 97,2 поени на натпревар.

ПОЕНИ

1.Струмица 2022  92.2

2.Пелистер  91.0

3.Гостивар   87.0

Екипата од Струмица предводена од Златко Зетов и Ики Христов има и најдобра реализација во обидите за три поени. Погодуваат со 38.8% на успешност, пред Феникс 2010 со 35.6% и ТФТ со 34.7%.  Имаат втор најдобар резултат во обидите за еден поен 79.7%, зад водечкиот состав на Феникс 2010 кој е на 80.2%, а пред Гостивар со 78.2%, и трет во обидите вредни по два поени.

ШУТ ЗА ТРИ ПОЕНИ                               

1.Струмица 2022  38.8%

2.Феникс 2010       35.6%

3.ТФТ 34.7%

ШУТ ЗА ДВА ПОЕНИ

1.Пелистер  65.3%

2.Кожув        61.9%

3.Струмица 2022  61.0%

ШУТ ЗА ЕДЕН ПОЕН

1.Феникс 2010       80.2%

2.Струмица 2022  79.7%

3.Гостивар   78.2%

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.