Кошаркарите на Струмица забележаа победа на гостувањето во Куманово против Ринија со 78:72 во рамките на 4 тото првенствено коло од Втората лига Исток. Струмичани покажаа борбеност уште во стартот и не потклекнаа на притисокот од домаќините кои не можеа против расположената екипа од Струмица која беше немилосрдна со шутот три.
Речиси половина од поените КК Струмица ги постигна со тројки. Дури 12 тројки уфрлија избраниците на Зетов и Цикарски со што ги шокираа кошаркарите на Ринија која никако не успеа да ги демотивира струмичките стрелци. Тие победата ја најавија уште во првото полувреме кога имаа предност од 17 поени (32:49).
Тодор Божинов со 17 поени беше најефикасен кај струмичани. Душан Макенаџиев и Драган Абрашев постигнаа по 15 поени а Миле Ѓоргиев и Благој Димитриев уфрлија по 12 поени.
Ова е трета победа на струмичани и се на врвот во Втората кошаркарска лига Исток.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
