Идниот месец ќе отпочне постапката за поставување на нова метална платформа пред Смоларскиот водопад откако пред неполни две години постоечката градена со средства од Центарот за развој на Југоистокот беше опожарена од непознати сторители. Паралелно ќе се асфалтира и патот кон водопадите најави градоначалникот на Ново Село . Речиси 100 илјади евра ќе бидат инвестирани за пристап и уредување на Смоларскиот водопад со цел да се потикне руралниот туризам.
Како што информираше градоначалникот средствата се обезбедени од Светска Банка за асфалтирање на патот до скалите на водопадот додека за новата платформа средства се обезбедени од унгарскиот заем.
Инвестиции се планирани и на Колешинскиот водопад. И таму ќе се реконстурира платфората,ќе се уредуваат и постоечките летниковци, патеката. Како што најави Божинов ќе се опфатат и Мокринските извори и ќе се потрошат околу 380 илјади денари
Со првомајските празници почнува посетата на водопадите на Беласица кои на Општина Ново Село им носат илајадници туристи и посетители претежно преку викендите. ( В.Трајков- фото/ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
