Во Домот на културата ,,Бранд Петрушев,, во Богданци, учениците од трето одделение при ООУ ,,Петар Мусев,, од Богданци имаа можност да се дружат со познатата македонска писателка Јадранка Клисарова. Настанот беше реализиран како дел од наставата по македонски јазик, со цел поттикнување на љубовта кон читањето и литературата.
Средбата беше проследена со огромен интерес од страна на учениците, при што писателката во воведниот дел им го претстави своето творештво, особено делата наменети за најмладите читатели. Таа на едноставен и близок начин им раскажуваше за инспирацијата зад своите книги и за процесот на создавање приказни.
Во интерактивниот дел, најмладите читатели поставуваа прашања, имаа можност да споделат свои впечатоци од прочитаните книги, разговараа за пораките што ги носат приказните, а дел од нив се охрабрија и да прочитаат свои кратки творби.
Средбата заврши со заедничка фотографија и искрена благодарност до писателката за прекрасното дружење и ветување за нови литературни средби, а учениците си заминаа со насмевки и нова мотивација за љубов кон книгата и читањето како и поттик на нивната креативност и имагинација во креирање свои сопствени приказни.
Фото Б. Марков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
