Со цел да нема групирања пред експозитурите на деловните банки во Струмица, Локалниот совет за превенција одржа средба со нив и побара да го зголемат бројот на редарите кои треба да воспостават ред пред вратите на овие институции. Заради плаќање сметки секојдневно пред банките во Струмица има групи или колони од по 20 тина струмичани при што не се одржува физичка дистанца. На тој начин тие преставуваат потенцијална опасност за ширење на коронавирусот.
Од полицијата побараа банките да ангажираат професионално приватно обезбедување и да стават ред на клиентите за влез прито да се почитуваат препораките. Потенцираа дека дел од банките имат обични редари кои не успеваат да се справат со граѓаните.
,,Се договоривме да се подобри дисциплината, да се воспостави ред со ангажирање на агенции или на друг начин да се зголеми бројот на редарските служби не само внатре во банките, туку и пред нивните објекти. Апелирам до сите, правни и физички лица, најсериозно да ја сфатиме состојбата со Ковид-19 и да ги почитуваме донесените протоколи за работа и мерки за заштита’’, објави градоначалникот по денешниот состанок на Локалниот совет за превенција
Преставниците на банките на денешниот состанок кажаа дека пред своите експозитури имаат ангажирано редарски служби и од централите во Скопје бараат да се ангажираат поголем број на лица кои ќе бидат задолжени за воспоствување ред пред експозитурите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
