Дојран се памети по убавините, специјалитетите но и по гостопримството, Дојранска вечер на саемот во Белград (ФОТО)

1410

Во рамките на 43 тото издание на Меѓународниот саем за туризам во Белград соседна Србија, свој штанд има и општина Дојран каде ги промовира своите туристички потенцијали тргнувајки од сместувачките капацитети но и сите свои убавини што ги има за одмор и релаксација. Голем број оператори но и посетители на саемот во Белград се интересираа за туристичката понуда на Дојран која изобилува со разновидните содржини и стана една од посакуваните дестинации на Балканот.

Во рамките на преставувањето на саемот имаше и ,,Дојранска вечер” каде голем број гости уживаа во специјалитетите од риба од Дојранското езеро а се интересираа и за сместувачките капацитети но и за останатите културно историски локалитети за посета при евентуален престој во Дојран. Дојранската вечер се организираше благодарение на соработката со ресторан Калдрма, хотел Романтик и ресторан Фук так сите од Дорјан кои ги презентираа своите капацитети но и специјалитети кои се препознатливи насекаде .

Инаку за време на одржување на Дојранската вечер, првиот човек на општина Дојран Анго Ангов потпиша меморандум за збратимување и соработка со општина Вишеград од Република Српска од Босна и Херцеговицна. Соработката ќе се одвива на повеќе области но со збратимувањето можни се и повеќе туристи од Босна во Дорјан каде како  адути се посочија благопријатната клима, езерото, кулинарските специјалитети, сместувачките капацитети и пристапните цени.

Секоја година Саемот за туризам на површина од 30 753 квадратни метри е домаќин на 900 излагачи од 50 земји. Брои околу 65.000 посетители и над 12.500 професионалци од туристичката индустрија од кои 650 се домашни излагачи во рамки на програмата „Србија на едно место“, а 250 се странски. Присуствуваат и 1.000 новинари од Србија и регионот.

Освен Дојран на саемот во Белград се преставуват и општините Охрид, Демир Капија и Гевгелија, Стопанската комора за туризам , Хотелската асоцијација , туристичката агенција „Савана“, тур-операторот DMC – Balkans и ресторанот „Острово“ кои беа организирани и од страна на Агенцијата за промоција и поддршка на туризмот

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.