Изминатиов викенд во Дорајн во организација на Триатлон федерацијата на Македонија а во соработка со Општина Дојран и поддршка на Агенцијата за млади и спорт и Македонскиот олимписки комитет, се одржа првото национално првенство во Триатлон. Станува збор за атрактивна спортска дисциплина од пливање, возење велосипед и трчање која во земјава полека се етаблира а на меѓународна сцена е доста популарна.
Вкупно 104 натпреварувачи во млади и сениорски конкуенции во два натпреварувачки дена се докажуваа во овој спорт. Ги имаше речиси од сите спортски клубови од земјава а овој спорт стана атрактивен и кај повозрасните. Резултатите во двата натпреварувачки дена може да се видат на официјалната ФБ страна на Триатлон Федерацијата
Општина Дојран доби честитки за добрата организација како од Федерацијата така и од Агенцијата за млади и спорт. Според градоначалникот Анго Ангов, Дојран во иднина може да биде и домаќин на некое меѓународно натпреварување со оглед дека две години по ред се покажува како добар домаќин и ги поседува сите потребни елементи за одржување на триатлон натпреари
фото: Триатлон Федерација на Македонија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
